Ish-deputeti demokrat Agron Shehaj, nga shumë media në vend është cilësuar si rivali i kreut të PD, Lulzim Basha.
Lidhur më këto zqër ka reaguar ish-deputeti, i cili shprehet gjatë një interviste se PD do të vijë në pushtet nën drejtimin e Bashës dhe se është në politikë falë tij.
Po ashtu, Shehaj shprehet mirënjohës ndaj Bashës, duke theksuar se është bërë politikanë prej liderit të opozitës.
“Unë mbështes pa asnjë rezervë Lulzim Bashën dhe jam i bindur se PD do të vijë në pushtet nën drejtimin e tij. Me Lulzim Bashën kryeministër do të ndërmerret një transformim i thellë i ekonomisë për të kthyer lirinë e tregut, konkurrencën e ndershme dhe mundësitë e sipërmarrjes në Shqipëri. Nga ana personale, unë jam në politikë falë Lulzim Bashës, i cili më hapi dyert e Partisë Demokratike dhe më mundësoi të bëhesha deputet pa pasur asnjë kontribut të mëparshëm në politikë. I jam mirënjohës për këtë besim dhe nga ana ime i kam dhënë mbështetjen time modeste gjatë këtyre dy viteve. Shpresoj shumë që me aktivitetin tim t’i kem shërbyer sa më shumë qytetarëve, interesit publik dhe Partisë Demokratike”, tha Shehaj./ Opinion.al E.Xh.
