Facebook Messenger, aksidentalisht u tregon të tjerëve kur jeni duke fjetur dhe kur jeni zgjuar.
Një programues ka gjetur një mënyrë për të zbuluar oraret e gjumit të miqve të tij, duke kontrolluar të dhënat që rrjeti social ve në dispozicion.
Informacioni që Facebook mundëson, mund të përdoret për të ndërtuar një panoramë të plotë se kur njerëzit shkojnë për të fjetur dhe kur zgjohen, gjithashtu edhe të aktiviteve të tjera. Gjithçka ndodh pa dijeninë e përdoruesëve.
Ky instrument, përdor informacion në lidhje me kohën kur njerëzit kontrollojnë Facebook dhe Facebook Messenger, në mënyrë që të përcaktojë se kur janë zgjuar ose jo.
Duke qenë se njerëzit kanë tendencën që ta hapin aplikacionin përpara se të flenë dhe menjëherë sapo zgjohen, është e lehtë të dallosh me saktësi kur njerëzit janë aktivë.
Megjithatë, programuesi Søren Louv – Jansen, arriti të zbulojë mënyrën sesi Facebook e ruan informacionin dhe e vendosi atë në një kod që tregon gjithçka.
Kodi në fjalë e kontrollon Facebook çdo 10 minuta, për të parë aktivitetin e fundit të një personi dhe në këtë mënyrë, ndërton një pamje të plotë se kur është përdorur faqja në fjalë.
