Tashmë ka rinisur procesi i numërimit të votave të diasporës. Ky proces duket sikur do të kërkojë më shumë kohë, teksa sipas rezultateve të deritanishme kryeson Partia Socialiste.
Procesi i numërimit u ndërpre pak pas orës 01:00, për të rinisur në orën 08:30 të mëngjesit. Ndërprerja e numërimit erdhi për shkak të lodhjes dhe kohës për pushim të komisionerëve e numëruesve.
Nga 194 889 zarfe në total deri tani janë numëruar 38 806 prej tyre ku sipas rezultateve paraprake rezulton që Partia Socialiste kryeson me 21 305 zarfe, ose 55.30%. PD-ASHM ka 10 951 zarfe të tillë, ose 28.42%.
Ndërkohë sa i përket votave për secilin subjekt, rezultatet e deritanishme janë si më poshtë:
Partia Socialiste – 21 305 vota
Koalicioni PD- Aleanca për Shqipërinë Madhështore – 10 951 vota
Partia Mundësia – 1 176 vota
Lëvizja Bashkë – 934 vota
Nisma Shqipëria Bëhet – 3161 vota
Koalicioni Euroatlantik – 248 vota
Lëvizja Atdheu – 49 vota
Partia Socialdemokrate – 351 vota
Koalicioni Djathtas për Zhvillim – 100 vota
Partia Aleanca Kombëtare Shqiptare – 227 vota
Partia Aleanca Demokracia e Re – 16 vota
