Trajneri portugez Jose Mourinho ende është në kërkim të skuadre. Por mesa duket ai po bën lëvizjet e tij për t’iu rikthyer përsëri futbollit.
Portugezi ka zhvilluar një takim me njeriun më të pasur në Kinë, Hui Jia, ndërsa “talkSPORT”, Mourinho po kërkon arritjen e ndonjë marrëveshje për të marrë drejtimin e skuadrës që financon Jia, Guangzhou Evergrande, në Superligën Kineze.
Mourinho po kërkon një skuadër të re pasi u shkarkua nga drejtimi i Manchester United në dhjetor të vitit të kaluar.
Hui është i etur për të çuar emra të mëdhenj të futbollit botëror në Kinë. Sipas “talkSPORT”, thuhet se miliarderi i pasurive të paluajtshme ka zhvilluar bisedime pozitive me portugezin Mourinho, ndërsa ato kanë vazhduar më tej edhe më përfaqësues të trajnerit portugez.
Mourinho ka një eksperiencë të madhe në drejtimin e skuadrave, pasi ka qenë trajneri i Chelsea, United, Real Madrid, Inter dhe Porto.
Pas këtij takimi, duket se e ardhmja e trajnerit portugez është në Kinë./ Opinion.al E.Xh.
