Ish-kryeministri Fatos Nano i ka të rralla shfaqjet e tij në publik, por atëherë kur shfaqet sigurisht që do të përbëjë lajm. I tillë është rasti i fundit, kur ish-kryeministri është bërë personazh kryesor i një prej regjisorëve shqiptar. Bëhet fjalë për regjisorin Drilon Hoxha, shkruan balkanweb.
Ai ka postuar një foto në profilin e tij në “Instagram” ku shfaqet ish-kryeministri Nano me një djalë të vogël. “Çkemi? Një përshëndetje nga Klark Morinaj dhe Fatos Nano gjëra të reja po vinë”, shkruan regjisori i filmit aksion “Drejt fundit”.
Pas kësaj kanë vërshuar komentet rreth rolit të ish-kryeministrit dhe aludimet se ai do të marrë pjesë në film si aktor.
Nuk dihet nëse Nano do të ketë një rol vërtetë në film apo e ka mik regjisorin dhe ka pranuar të jetë personazh i tij në rrjetet sociale. Por nëse Nano do të bëhej aktor, do të kishte vërtetë shumë për të treguar duke qenë se jeta e tij në politikë ka qenë relativisht e gjatë, një gjë dihet, ajo do ta tërhiqte vëmendjen e publikut maksimalisht.
