“Nokia” do të kthehet në tregun e celularëve, herët a vonë. “Mund të jetë në 2016, por edhe më vonë, nuk ka një kohë dhe nuk ka pse të nxitohemi”.
Kështu ka folur nga podiumi i kongresit botërore të celularëve në Barcelonë, Rajeev Suri, administratori i kompanisë që në 2014-ën shiti linjën e saj të pajisjeve tek “Microsoft” për 7.2 miliardë dollarë, duke u angazhuar të mos përfshihej në këtë treg deri në 2016-ën.
E rëndësishme për kompaninë finlandeze, do të jetë të gjejë partnerin e përshtatshëm që merret me smartphone, ka thënë Suri, duke mos e mohuar dhe as pohuar një aleancë me kolosin tajvanez “Foxconn”.
“Kemi në program të rrisim investimet për 5G këtë vit”,- ka thënë Suri.
mapo.al
