Marrëveshja mes mazhorancës dhe opozitës për tu ulur në tryezën e dialogut për Reformën Zgjedhore mesa duket nuk ka mjaftuar për të ulur gjakrat mes palëve.
Një ditë pas shpalljes së marrëveshjes, Kolegji i Kryqtarëve të Partisë Demokratike në mbledhjen e sotme ka propozuar zhvillimin e një proteste kombëtare në muajin e ardhshëm.
Disa kryetarë të degëve të PD në rrethe kanë propozuar protestë kombëtare dhe datat e diskutuara janë ato të 20 ose 22 shkurtit. Kjo periudhë korrespondon me 1-vjetorin e djegies së mandateve nga opozita, më 16 shkurt të vitit të kaluar.
Megjithatë propozimi do të diskutohet në Kryesi dhe me ish-grupin parlamentar pasi ende nuk është vendosur përfundimisht për zhvillimin e protestave.
Më herët ditën e sotme, krytari i PD, Lulzim Basha bëri të qartë në një konferencë për mediat se pas miratimit të Reformës Zgjedhore vendi do të shkojë në zgjedhje të parakohshme parlamentare dhe ato lokale në një ditë.
Lexo edhe: Pyetja pse pranuan Gjiknurin, Basha godet tavolinën: Nuk ka amnisti!
Në bazë të marrëveshjes së arritur, palët politike ranë dakord se miratimi i Reformës duhet të bëhet brenda 15 Marsit. /Opinion.al
