Për dyshen seksi të stadiumit të Marsejës kanë folur pa fund gjatë ditës së sotme jo vetëm mediat shqiptare, por edhe ato ndërkombëtare. Rike Roçi, ish-banorja seksi e Big Brother dhe kushërira e saj, Irid Oxa, kishin udhëtuar nga Italia për në Francë për të mbështetur kombëtaren e futbollit, shkruan revista “Class”.
Por nuk mund të mbetej pa rënë në sy pamja seksi e dy bukurosheve shqiptare. Nëse Rikja e justifikoi për median faktin e heqjes së bluzës sepse kishte shumë vapë, kushërira e saj Irid nuk u përpoq ta bënte këtë gjë. Gjatë gjithë ditës së sotme, të dyja vajzat kanë shpërndarë në profilet e tyre shkrimet e mediave për tifozerinë shqiptare dhe për lajmet mbi to.
Por si gjithmonë, mes dashamirësve dhe tifozëve, ka edhe të tjerë që nuk e kanë konsideruar serioz prezantiminin në stadium në këtë mënyrë që zgjodhën dy bukuroshet shqiptare. Aq sa për atë pjesë që i ka kaluar kufijtë e nënvlerësimit dhe më keq edhe të përçmimit, Irid ka reaguar me një postim në Instagramin e saj. Ndër të tjera ajo shkruan se ata që na turpërojnë më shumë nëpër botë janë pikërisht ata që përdorin një fjalor aspak të pranueshëm dhe gjykojnë pa njohur në të vërtetë kush është ajo.
