Ka përfunduar numërimi i votave në të gjashta bashkitë të qarkut të Korçës.
Për bashkinë e Korçës garonin dy kandidatë Sotiraq Filo i Aleancës për Shqipërinë Europiane dhe Leonar Ollit i Bindjes Demokratike.
Kandidati i PS ka fituar duke marrë, 20832 vota, ndërsa Olli i Bindjes ka marrë vetëm 1759 vota.
Në bashkinë e Pustecit, Kandidati i majtë, Pali Kolefski ma marrë 1505 vota, ose 63.66%, ndërsa Edmond Themelko, i Partisë Aleanca e Maqedonasve për Integrim Europian ka marrë, 859 vota, ose 36.34%. Kjo bashki ka pasur vetëm 8 kuti votimi.
Ndërkohë, Erion Isain ka fituar në bashkinë e Kolonjës, ku ka marrë 4279 vota, ose 93.37% të totali, ndërsa Feka i Bindjes ka marrë 304 vota, ose 6.63%.
Po ashtu dhe në bashkinë e Maliqit ka fituar kandidati i PS, Gëzim Topciu, i cili garonte i vetëm, ndërsa ka marrë 13656 vota në total.
Pa kundërshtarë ishte dhe kandidati i Pogradecit, Ilir Xhakolli i ASHE, i cili ka marrë 17 mijë e 298 vota
Edhe në bashkinë e Pogradecit janë numëruar të 116-a kutitë.
Ndërsa në Devoll, ka pasur katër kandidatë përballe njëri tjetrit. Eduard Duro i ASHE, Fezi Shaholli i pavarur, Ylli Cenkolli i Frymës se Re Demokratike, dhe Artur Porpollogu i Shpresës për Ndryshim.
Përkatësisht, Duro, ka marrë 6304 vota. Shallohi si kandidat i pavarur ka marrë 648 vota. Cenkolli i FRD-së, ka marrë 242 vota, ndërsa Porpollogu u Shpresës për Ndryshim ka marrë 341 vota./ Opinion.al E.Xh.
