Kuvendi miratoi ditën e sotme Rezolutën kundër vendimit të presidentit Ilir Meta për anulimin e datës 30 qershor për zhvillimin e zgjedhjeve lokale.
Pas votimit, kryeministri Edi Rama u është drejtuar me një mesazh deputetëve socialistë. Ai i falenderon për kontributin e diskutimet dhe i inkurajon të vijojnë me fushatën.
“Faleminderit të gjithë folësve të sotëm pa përjashtim për kontributin e rëndësishëm, me diskutime serioze me publikun, dhe të gjithëve ju për mbështetjen e fortë në këtë betejë historike, ku zgjedhjet vendore të 30 qershorit nuk janë të rëndësishme thjesht në vetvete, po si gur kilometrik në një rruge ku katër aventurierë të dëshpëruar, bashkë me qorrat që i rrethojnë, duan ta marrin peng këtë vend e të hedhin në erë urën drejt negociatave! S’kanë faj që kanë dalë mendsh, se e dinë mire ça vjen nga kapitujt 23/24, po halli i tyre s’është as halli ynë as halli i popullit! Forca me fushatën dhe vetëm drejt, përpara me njerëzit e mirë të këtij vendi” shkruan ai në mesazh./ Opinion.al E.Xh.
