Pas problematikave që solli moti i keq gjatë të premtes, e shtuna solli përmirësim të situatës në kryeqytet edhe pse reshjet e shiut vijuan.
Niveli i ujit në lumin e Lanës ka rënë, ndërsa janë pastruar edhe rrugët nga prezenca e ujit.
Drejtori i Rrugëve dhe Ndriçimit Publik në Bashkinë e Tiranës, Erindi Bejko në një intervistë për Klan News dha më shumë detaje për situatën.
Bejko thotë se nga era e fortë janë dëmtuar rreth 100 pemë, që shpesh herë kanë ndikuar edhe në qarkullimin e qytetarëve dhe automjeteve.
Përveç rrugëve, prezencë të lartë të ujit pati edhe në disa ambientet nën tokë, kryesisht në garazhe.
Ekipet e punonjësve të pastrimit dhe policisë po vijojnë punën në terren për të shmangur bllokimin e qarkullimit.
