Nga Andra Pasqualetto
Buzim (Bosnje Herzegovinë)-Rruga bëhet e ngushtë, e pashtruar, aq sa të duhen shtëpitë për tu drejtuar. Velika Kladusa është pas shpine dhe nuk ngelet vetëm ti ngjitesh duke i besuar plakut Murat që e njeh mirë këtë mal të trishtuar në kufi.”Toka e Bilalit është aty lart, duhet ti mbash sytë hapur”.
Të tjerë 5 kilometra gurë dhe gropa dhe ja ku jemi në një livadh të hapur pranë një skeleti të një ndërtese në ndërtim. Është qendra e lutjeve salafite, e ndërtuar nga Imami Husein Bosnic që të gjithë e thërrasin Bilal, më i madhi rekrutues europian i xhihadistëve.
Kështu të paktën e konsiderojnë disa prokurorë që kanë gjetur gjurmë të prekshme të udhëtimit të tij në Suedi, Austri. Sloveni, si edhe në Romë, Kremona, Bergamo dhe Pordenone.
I hetuar edhe në Itali nga antiterrorizmi në Venecia për faktin se promovonte Luftën e Shenjtë dhe radikalizonte myslimanët, Bosnic u arrestua dhe u dënua muajin e kaluar me 7 vite burg nga drejtësia në Sarajevë: “Për aktivitet terrorist përmes rekrutimit të personave të komunitetit salafit, të kthyer në pjesë të ISIS me qëllim përmbushjen e akteve terroriste”, shkruan në akt-akuzë prokurori Dubravko Campara, që e ka gjurmuar për një kohë të gjatë. Dhe që javën e kaluar firmosi arrestin e 11 të dyshuarve terroristë që po planifikonin një atentat në Sarajevë: “duke dashur të vrisnin 100 persona”
Në Bosanska Bojna, në këtë land të izoluar në verilindje, predikuesi bleu tetë hektarë tokë “duke përdorur para të mbërritura nga Katari që kapnin shifrën e 200 mijë dollarëve”, – thotë prokurori Campara. Zgjedhja e vendit nuk është rastësore.
Bëhet fjalë për një zonë kufitare shumë të veçantë: në të cilën ndodhet Bosnia, shteti ekstrakomunitar I konsideruar si zemra e myslimanizmit në Europë. Më tej Kroacia katolike dhe Bashkimi Evropian.
Nga janari 2016 republika kroate do të jetë edhe në Shengen dhe kështu personat mund të qarkullojnë lirisht në shtetet anëtare. Dhe Italia është në horizont: për vetëm 210 kilometra mund të arrish në Trieste.
Marrë nga Corriere.it Përktheu Dritan Laci
