Reperi i famshëm nga Atlanta, 21 Savage u arrestua nga zyrat e emigracionit në SHBA. Sipas zyrtarëve, ai ka ardhur nga Britania e Madhe. Emri i vërtetë i reperit është Shayaa Bin Abraham-Joseph. Mësohet se ai ka ardhur në Shtetet e Bashkuara në vitin 2005, kur ishte 12 vjeç dhe nuk është larguar më nga vendi. Zyrtarët thonë se viza e tij ka skaduar një vit pasi ai mbërriti në SHBA dhe që prej asaj kohë ka qëndruar në mënyrë të paligjshme.
26 vjeçari që njihet me emrin 21 Savage, në intervista të mëparshme ka përshkruar fëmijërinë në Atlanta. Ai sapo ka lançuar albumin e tij të fundit ku është vlerësuar për pjekurinë dhe mënyrën si tregon historitë me vargje. 21 Savage është në kulmin e karrierës dhe me një reputacion të shkëlqyer. Në Atlanta ai njihet për bamirësitë shumta dhe si njeri popullor. Në këngët e tij kryesisht portretizohet dhuna në Atlanta dhe problemet me armë dhe drogë.
“Ai është ikonë! Bën muzikë shumë të mirë. Po humbasim njeri me vlera,” shkruajnë fansat e tij në rrjete sociale lidhur me lajmin.
Avokatja e 21 Savage, Dina LaPolt tha për mediat se “po punojmë për të hequr dënimin e z. Abraham-Joseph dhe po punojmë me autoritetet për të sqaruar keqkuptimet.”/E.L
