Presidenti i SHBA Donald Trump ka thënë se do të “blejë një Tesla krejt të re” pasi aksionet në firmën e makinave elektrike ranë më shumë se 15%.
Trump fajësoi “të çmendurit e majtë radikalë” që bojkotojnë firmën për të “sulmuar dhe dëmtuar” pronarin e Tesla-s, Elon Musk.
Megjithatë, analistët e aksioneve thanë se arsyeja kryesore për performancën e dobët të aksioneve ishte për shkak të rënies së shitjeve gjatë vitit të kaluar.
Politikat ekonomike të vetë Trump për tarifat po i bëjnë investitorët gjithashtu nervozë, thanë analistët.
Tregjet amerikane dhe aziatike ranë të hënën pasi investitorët ishin të shqetësuar për efektet ekonomike të tarifave të Trump.
Si pjesë e shitjes, aksionet në firmat e teknologjisë ranë, me aksionet e Tesla-s që u fundosën me 15.4%.
Trump tha se Musk po bën një “punë fantastike”, por “të çmendurit e majtë radikalë” “po përpiqen të bojkotojnë ilegalisht dhe në mënyrë të fshehtë Teslën” në një përpjekje “për të sulmuar dhe dëmtuar Elon”.
“Unë do të blej një Tesla krejt të re nesër në mëngjes si një shfaqje besimi dhe mbështetjeje për Elon Musk, një amerikan me të vërtetë të shkëlqyer”, shtoi Trump.
Pas komenteve të tij, aksionet e Tesla u rritën rreth 5% para tregut.
Aksionet e Tesla janë kthyer rreth nivelit që ishin para zgjedhjeve në SHBA.
