Uest Hemi po rrezikon rënien nga kategoria dhe një ndër shkaqet për këtë është portieri i kombëtares angleze, Xho Hart i cili po bën gabime fatale në portë, duke i kushtuar shumë pikë skuadrës.
Së fundmi, ishte ndeshja përballë Stouk Sitit, kur në minutën e 90, ai arriti të ndalte goditjen e Shaqirit por pa mundur të evitojë golin, pasi ia dhuroi topin Krouçit me portën thuajse të boshatisur. Kjo nuk është hera e parë që skuadra e tij ndëshkohet nga këto gabime, pasi në 18 ndeshje që ka luajtur këtë sezon, ai ka pësuar 4 gola për faj të tij.
Gjatë këtij sezoni, në Angli po aktivizohet një numër i konsiderueshëm i portierëve anglezë, të cilët nuk është se po kalojnë formë të mirë, por të paktën nuk pësojnë gola si Hart. 10 portierë nga Anglia, që luajnë në Premier Ligë, kanë pësuar së bashku 4 gola në plot 179 ndeshje.
Në lidhje me këtë ecuri, ka reaguar edhe Geri Nevil, i cili ka qenë asistent i Roi Hoxhson në kombëtaren angleze dhe shprehet se ka mbetur i shokuar nga reagimet që Hart po bën.
“Nuk e di dhe nuk e kuptoj se çfarë donte të bënte Hart. Topin e kishte para vetes dhe nuk e kuptoj pse duhej të kthehej në atë mënyrë. Me këto performanca, kam frikë se do të humbasë Botërorin e Rusisë. Shpresoj që ta kuptojë dhe të reagojë sa më shpejt, duke treguar vlerat e tij”, u shpreh Nevil. /Vipsport.al/
