Janë regjistruar rastet e para me koronavirus në Danimarkë, Norvegji dhe Ruamani. Personat e infektuar në Danimarkë dhe Norvegji ishin kthyer nga Italia, ndërsa 20-vjeçari i prekur në Rumani punonte në një restorant i cili ishte në pronësi të një italiani.
Sipas të dhënave, në Itali janë 456 persona të infektuar në 12 rajone: 305 në Lombardi, 71 në Veneto, 47 në Emilia Romagna, 16 në Liguria, 3 në Piemonte, 3 në Lazio, 3 në Siçili, 3 në Marche, 2 në Toscana, 1 në Tyrol Jug, 1 në Puglia, shkruan La Republica.
Ndërkohë janë regjistruar 14 viktima kryesisht të moshave mbi 70 vjeç dhe që vuanin më parë nga simptoma kronike
Ndërkohë, rastet e personave të infektuar janë shtuar përsëri në Kinë. Në përditësimin e fundit që ky shtet ka bërë në lidhje me situatën e krijuar nga koronavirusi, rezulton se në të gjithë vendin janë infektuar 78497, ndërsa 2744 persona kanë humbur jetën.
Po ashtu, rastet e para me koronavirus janë konfirmuar zyrtarisht ditën e djeshme në Greqi dhe në Maqedoninë e Veriut./ Opinion.al
