Në edicionin e parë të lajmeve në Klan News me gazetaren Iva Kalemi ka qenë mjekja pediatre Sonila Brati e cila ka folur edhe për vaksinën e Fruthit që bëhet kur fëmija mbush moshën 1 vjeç. Ajo shprehet se shumë prindër hezitojnë ta bëjnë këtë vaksinë sepse mendojnë që shkakton autizëm, por kjo nuk është e vërtetë. E ka quajtur “legjendë”, sepse është e pacaktuar shkencërisht dhe ende nuk ka një studim të saktë dhe konkret që është një nga shkaktarët e autizmit. Përderisa nuk ka një fakt, kjo gjë ngelet një hipotezë dhe një gjë e cila nuk mund të bazohemi.
Pediatria gjithashtu tregoi dhe pasojat që mund të ketë mos bërja e vaksinës 1 vjeç tek fëmijët. Sipas saj mos vaksinimi mund të jetë edhe fatal për jetën e një fëmije.
Iva Kalemi: Çfarë ndodh, nga se rrezikohen nëse nuk e bëjnë?
Sonila Brati: Infektohen nga tre sëmundje shumë të rëndësishme që është Fruthi, Rubeola dhe Parotiti. Fruthi është një sëmundje e rrugëve respiratore shumë e rëndë, është një nga shkaktarët kryesorë të vdekshmërisë, të mos vaksinimit.
Iva Kalemi: Ka raste kur rrezikohet dhe jeta e fëmijëve në rast se nuk e bëjnë këtë vaksinë?
Sonila Bitri: Pa diskutim sepse mund të bëjë një inflamacion shumë të rëndë që mund të shkojnë deri në infeksione shumë të rënda të veshit deri në forma të ndryshme të mos dëgjimit tek fëmija, pneumoni shumë të rënda, në encefalite, në meningite, pra me inflamacione shumë të rënda të trurit, pra mund të ketë komplikacione që mund të jenë dhe fatale për jetën. OBSH ka ngritur alarmin që në Janar dhe në Shkurt të 2022, kishte një rikthim të Fruthit edhe të rasteve me Fruth gjë që ka ndodhur tek ne edhe para 4 viteve dhe kemi pasur një shpërthim të Fruthit, kështu që duke qenë se ka këto refuzime dhe hezitime, vazhdon të jetë problematike. Ne shohim që para pandemisë niveli i vaksinimeve ka qenë shumë më tepër diku 95-96%, në vitin 2021 raportohet të ketë qenë 81-90%. /tvklan.al
