Opozita e bashkuar thotë se është gati të ulet në tryezë për reformën zgjedhore, por ajo vendos disa kushte. Në draftin që siguron Opinion, thuhet se Komisioni Parlamentar i ngritur për Reformën zgjedhore nuk gëzon legjitimitetin e nevojshëm, pasi sipas opozitës aty ka njerëz që duhet të ishin në burg për krime elektorale.
Kështu duke mos përmendur emrin e bashkëkryetarit socialist, Damian Gjiknuri, opozita kërkon edhe njëherë largimin e tij si dhe që ky Komision të bëhet nul.
Po ashtu opozita kërkon që “strukturë e re” për këtë reformë dhe në përbërje të ketë përfaqësues të OSBE/ OHDIR, SHBA dhe BE-së si dhe përfaqësues të Parlamentit, që e cilëson si monopartiak e përfaqësues të opozitës.
Një tjetër pikë është dhe dënimi i atyre që kanë bërë shkelje zgjedhore, duke u bazuar në “Kuadrin ligjor aktual”. Nisur nga debati që hapi presidenti, për Referendumin, po ashtu opozita e kërkon edhe këtë çështje që të diskutohet në tryezën e re për reformën zgjedhore/ Opinion.al
