Politikë

Reforma territoriale/ PD: Ngritëm grupin e punës, konsultime me qytetarët



Bëhu pjesë e Grupit Zyrtar të Opinion.al
>> KËTU <<
               Publikuar në : 11:13 - 14/02/22 |
Opi Nion

Partia Demokratike ka njoftuar këtë të hënë se ka ngritur grupin e punës për të nisur konsultimet me qytetarët dhe ekspertët në vend për Reformën Territoriale.

Në një deklaratë për mediat, deputetja e Partisë Demokratike, Dhurata Çupi, është shprehur se vendimi i parlamentit për nisjen e punës për Reformën Territoriale, është një hap shumë i rëndësishëm përpara.

Sipas saj, reforma administrative e Edi Ramës në 2014-ën, solli më pak shërbime, më shumë të punësuar dhe shumë para të çuara dëm.

DEKLARATË E PARTISË DEMOKRATIKE, DHURATA ÇUPI

Reforma territoriale është një nga prioritet madhore të PD. Për ta çuar shërbimin pranë qytetarit, për ti dhënë atij mundësinë të zgjedhë përfaqësuesit e vet.

Prandaj vendimi i parlamentit për nisjen e punës për Reformën Territoriale, është një hap i parë shumë i rendësishëm përpara. Ndaj ne kemi ngritur grupin e punës për të nisur konsultime me qytetarët dhe ekspertët në çdo cep të vendit.

Më pak shërbime, më shumë të punësuar dhe shumë para të çuara dëm. Kjo është ajo që prodhoi reforma administrative e Edi Ramës në 2014-ën.

Qëllimi i vërtetë i Edi Rames nuk ishte vetëqeverisja vendore, por, krijimi i zonave elektorale, ashtu siç i interesonte atij. Pasi për të, çdo vendim është përfitim monetar dhe kalkulim votash, dhe normalisht qytetarët janë të fundit.

Shpenzimet për administratën e bashkive pas ndarjes administrative janë rritur mbi 23 %, dhe shërbimet publike në ish-komuna janë përkeqësuar.

Në pjesën më të madhe ka zero investime në këto vite, rrugë të shkatërruara, mungesë uji,  mungesë investimesh në sektorin energjitik etj.

Mungesa e investimeve bën që qytetarët e zonave të thella të udhëtojnë deri në 4 orë për të shkuar në zyrat e bashkisë.

Territori i ndarjes së re të një pjese të madhe të bashkive është në zona të thella malore, ku në pjesën më të madhe të vitit qarkullimi është i kufizuar dhe shpesh i pamundur.

Në të tjera zona ku ka më shumë mundësi për investime, duhet të presin me ditë të tëra për një dokument në bashki duke shpenzuar kohë dhe para në udhetimet nga zona e tyre në drejtim të qendrës së qytetëve ku ndodhet njësia asministrative.

Thirrja jonë është për të gjithë qytetarët dhe ekspertet që duan të japin kontributin e tyre në këtë proces shumë të rëndesishëm, të na bashkohen, janë të mirëpritur, sepse të gjithë bashkë mund të krijojmë një reformë asministrative në shërbim të qytetarëve kudo ku ata banojnë./Opinion.al

Pas