Nënkryetari i PD, Oerd Bylykbashi, në një tryezë diskutimi të zhvilluar sot për Reformën territoriale, deklaroi se Reforma Territoriale ka dështuar që në vitin 2018. Ai theksoi se pushteti është i centralizuar dhe është larguar nga qytetarët.
Më tej Bylykbashi theksoi se qëndrimi i Partisë Demokratike është i qartë për të marrë pjesë dhe për të bërë më të mirën për Reformën Territoriale.
“PD ka vendim të qartë për një reformë territoriale cilësore në avantazh të shqiptarëve, me burime i cili është pranë zgjedhësve dhe që do të ishte një motor zhvillimi, por edhe një ekuilibër i madh për demokracinë.
Në PD është ngritur një grup pune që ka eksperiencën më të mirë të PD për qeverisjen vendore dhe ky grup pune po përgatit materialet për qëndrimet e PD. Është ngritur forumi i të zgjedhurve vendorë të PD që do të shtrihet në të gjitha degët e PD që do të mbledhë eksperiencën e të gjithë të zgjedhurve ndër vite.
Qëndrimi është i qartë për të ecur para në atë që do të bëjë një diferencë për reformë territoriale. Duhet të mos humbet momenti sepse diçka e bërë keq sot do të kushtojë një humbje kohe dhe shqiptarët këtë nuk e pranojnë.
Propozimi ynë do të bazohet në konsultimet në kuadër të punës. Kemi shpërndarë një pyetësor për të mbledhur qëndrimet më të mira. Do ta bazojmë propozimin tek studime dhe të financuara nga partnerët ndërkombëtarë.
Ne kemi kapacitetet më të mira për të ofruar një reformë cilësore që do ta realizojë këtë qëllim brenda afatit kohor, theksoj se kjo është një qëndrim politik, një reformë e rëndësishme politike që kërkon një qëndrim politik. Çdo reformë duhet të jetë konsensuale. Konsensusi politik i vërtetë i bazuar në parime dhe jo pazare që do të bëjë që një reformë të jetë e qëndrueshme”-tha Bylykbashi.
