Kryeministri Edi Rama është në kërkim të 94 votave për të votuar reformën në drejtësi pa PD-në. Sakaq në media kanë nisur hipotezat se kush mund të jenë deputetët që mund të votojnë reformën nga radhët e PD.
Nga analiza rezulton se mazhoranca PS-LSI-PDIU ka 85 deputetë. Partia Socialiste ka në grupin e saj parlamentar 61 deputetë, përfshirë edhe Blendi Klosin si ministër, LSI 19 dhe PDIU 5, numër ky që shkon në 85.
Janë edhe disa deputetë të pavarur që kanë qenë pjesë e koalicionit të majtë por duket se nuk janë më, si: Tom Doshi, Ferracaku, Dule dhe Ndoka.
Por duhen edhe 5 vota të tjera. Shqiptarja.com shkruan sot se ish-socialisti Agron Duka i cili tani më ka dal me një parti të re mund të votojë reformën. Po sipas kësaj gazete edhe ish-socialisti Kastriot Islami mund të luhatet për këtë votim. Pas këtyre janë edhe dy emra të fortë brenda PD-së që janë shprehur hapur kësaj linje, Majlinda Bregu dhe Astrit Patozi të cilët kanë kërkuar miratimin e kësaj reforme. Opozitari i gjashtë vjen sërish nga një parti aleate e Bashës, Dashamir Shehi. Gjithsesi këto janë vetëm aludime të mediave, ajo ccka ndodh pritet për tu parë në ditët në vijim.
