Deputeti i Partisë Socialiste, Ben Blushi ka zhvilluar sot një takim me mbështetësit e PS-së në Peshkopi, ku ka folur për referendumin për mandatin e kryetarit të partisë.
Blushi, i cili e ka konsideruar referendumin të manipuluar thotë se kutitë e votimit janë mbushur me fletë një ditë para mbajtjes së procesit
Deputeti u ka bërë thirrje socialisteve që ta japin dëshmi për manipulimin e referendumi.
“Kutitë janë mbushur një ditë përpara referendumit. Në listat e votuesve nuk ka socialistë të vërtetë”, është shprehur Blushi, raporton “NEWS 24”.
Anëtarët e Partisë Socialiste do të votojnë më 9 prill për çështjen e mandatit të kryetarit, ku do t’i përgjigjen pyetjes nëse cilësohet i rinovuar kur partia fiton zgjedhjet.
Edhe pse mandati i kryetarit aktual Edi Rama ka mbaruar që në vitin 2013, në Kongres u vendos për të ndjekur këtë rrugë pas kërkesës së Blushit dhe një grupi deputetësh për zgjedhje brenda partisë.
