Sulmuesi i Frankfurtit Luka Jovic ka kaluar zyrtarisht tek ‘Los Blancos’. Lajmi është konfirmuar nga vetë klubi në faqen e tyre zyrtare.
Operacioni ‘Jovic’ i ka kushtuar Realit të Madridit 60 milion euro. Kontrata e re e nënshkruar parashikon që ai do të luajë për madrilenët për 6 sezone, deri më 2025.
Jovic u bashkua me Eintrachtin e Frankfurtit në huazim nga Benfica në vitin 2017 dhe më pas u ble në fund të sezonit të kaluar për 7 milion euro. Këtë sezon ai ka patur një sezon të shkëlqyer në të cilin shënoi 17 gola në 32 paraqitje në Bundesligë, si dhe 10 gola në 14 ndeshje në Europa League.
“Nga pikëpamja sportive, shitja e Luka Joviç është një goditje e madhe,” tha drejtori sportiv i Eintracht Frankfurt, Fredi Bobiç. “Shpërthimi i tij dhe kapaciteti për të shënuar gola na futën në Europë dhe ne kemi përfituar nga më shumë se vetëm qëllimet e tij në dy vitet e fundit.
“Por ishte e qartë se kishte një kufi se çfarë lloj oferte mund të refuzonim. Për Eintracht Frankfurt kjo është një transferim i mirë dhe i rëndësishëm. Ne i urojmë Lukës gjithë të mirat në të ardhmen. Ai ka të gjitha atributet që të ketë një karrierë të madhe. Dhe ne jemi krenarë që e kemi mbështetur në rrugën e tij “.
Joviç është përforcimi i dytë në merkato i madrilenëve, pasi më parë, klubi merengues, kishte nënshkruar me mbrojtësin e Portos, Militao, për 50 milionë euro. Në orët në vijim pritet të zyrtarizohet një tjetër futbollist, bëhet fjalë për mbrojtësin frencez Ferland Mendi, i cili është pjesë e Lionit. /Opinion.al
? #WelcomeJovic pic.twitter.com/moSEJGg8d8
— Real Madrid C.F.⚽ (@realmadrid) June 4, 2019
