Kryetari i Bashkisë së Tiranës, Erion Veliaj ka reaguar në lidhje me arrestimin e kandidatit të koalicionit “Bashkë Fitojmë” për Himarën, Fredi Belerin.
Në një intervistë për Klan News, kryebashkiaku dhe njëherësh kandidati i PS-së për Tiranë, Veliaj e ka dënuar aktin e shit-blerjes së votave, por ka shtuar akti tjetër më i rëndë është shit-blerja e atdheut.
Pyetje: Prokuroria e Vlorës thotë se janë referuar informacione për shit-blerje të votës me anë të të cilave, Fredi Beleri është vënë në pranga dhe është akuzuar për shit-blerje të votave? Ju keni një koment, duke marrë parasysh dhe retorikën e kryeministrit lidhur me kandidatin e Himarës?
Erion Veliaj: Kryeministri ju referua edhe dje kësaj situata para se të ndodhte ky arrestim. Unë dhe kryeministri, nuk gjykojmë që akti më i rëndë është shit-blerja e votës. Ai është një krim i rëndomtë. Gjëja e parë që njerëzit thonë është që gjithë këto vite në opozita, si nuk ju mbarojnë paratë. Akti më i rëndë është shit-blerja e atdheut, është një akt më i rëndë./Opinion.al
