Paqja në botë ka ardhur duke u përmirësuar për herë të parë në 5 vite, por është pak më pak ‘paqësore’ sesa një dekadë më parë.
Sipas indeksit global të paqes shumë konflikte të nisura 10 vite më parë kanë nisur të zhduken. Por përveç ndryshimeve pozitive janë shpalosur tensione të reja vendore dhe ndërkombëtare. Islanda mbetet e palëkundur nga asnjë vend tjetër si shteti me paqësor në botë, pozicion të cilin e ruan që në vitin 2008.
Ajo ndiqet nga Zelanda e Re dhe Portugalia (një hyrje e re në dhjetëshen më të mirë). Ndërkohë Siria renditet si vendi i dytë më pak paqësor, e ndjekur nga Sudani Jugor dhe Jemeni.
Butani është vendi i cili është përmirësuar dukshëm 12 vitet e fundit, duke kaluar në 20 vendet më paqësore duke u rritur me 43 pozicione.
Ky raport vjetor i realizuar nga Instituti i Ekonomisë dhe Paqes shqyrtoi militarizmin, konfliktet dhe udhëheqjen, si dhe faktorë të tjerë, në 163 vende.
Për herë të parë ndryshimeve klimatike iu dedikua një seksion në raport. Përveç renditjes së 10 vendeve më paqësore dhe më pak paqësore në botë, raporti ka sjellë edhe një renditje për vendet në Evropë.
Sipas statistikave në vendet e Evropës më pak paqësore shteti i Kosovës renditej në vendin e gjashtë, ndërsa Shqipëria nuk ishte pjesë e 10 vendeve të para as në listën e vendeve paqësore as tek vendet me pak paqësore./Opinion.al/
.
