Raporti global i OBSH: Ja sa njerëz vdesin në Shqipëri nga ndotja

Vetëm në Shqipëri, si pasojë e ndotjes së ajrit, numri total i vdekjeve ishte 928, ku 451 prej tyre për shkak të sëmundjeve të zemrës, 340 nga hemorragjia cerebrale, 121 prej kancerit të mushkërive, 5 nga sëmundjet akute respiratore dhe 11 nga sëmundje kronike pulmonare…

Në Shqipëri, cilësia e ajrit vlerësohet në nivelin mesatar të ndotjes. Në 1 m³  ajër, numri i grimcave është 16, sipas raportit të fundit të publikuar nga Organizata Botërore e Shëndetit (OBSH).

OBSH ka publikuar raportin mbi ndotjen botërore të ambientit. Të dhënat janë përpunuar në muajt shtator-nëntor 2015. Baza e të dhënave përfshin përqendrimet mesatare vjetore të grimcave, PM₁₀ ose PM₂₅ (particulate matter), bazuar në matjet e përditshme. Kjo databazë tregon cilësinë e ajrit dhe përqendrimin e grimcave për 3000 banorë, kryesisht në qytete. Matjet janë kryer në 103 vende dhe deri më sot është baza e të dhënave më e plotë.

Në rajonin e Ballkanit ndotjen më të madhe e kanë qytetet kryesore të Maqedonisë, Shkupi dhe Tetova, të cilët në 1m³ ajër përmbajnë përkatësisht 40 dhe 81 grimca, me cilësinë e ajrit më të keqe.
Ndotja e ajrit shkakton çdo vit 3 milionë vdekje në botë. Vetëm në Shqipëri, si pasojë e ndotjes së ajrit, numri total i vdekjeve ishte 928, ku 451 prej tyre për shkak të sëmundjeve të zemrës, 340 prej hemorragjisë cerebrale, 121 prej kancerit të mushkrive, 5 prej sëmundjeve akute respiratore dhe 11 prej sëmundjeve kronike pulmonare.

Numrin më të lartë të viktimave të shkaktuar nga ndotja e ajrit e mban Italia, Bullgaria dhe Bosnjë-Hercegovina.

Numër më të ulët, vetëm 130 viktima, e ka Mali i Zi.
Rreth 90% e njerëzve në të gjithë botën thithin ajër që nuk përputhet me standardet e WHO për cilësinë e ajrit. Studimet epidemiologjike kanë rezultuar se ekspozim më të madh ndaj ndotjes së ajrit e kanë vendet më të ardhura të ulëta, ku ndotja e ajrit arrin nivele të papranueshme, sidomos në rajonet e Afrikës dhe Azisë.

Burimi: Organizata Botërore e Shëndetit