Pasi ironizoi burrat që nuk mbështesin PS si çyryk, kryesocialisti Edi Rama gjatë takimit me gratë në Korçë nuk i ka kursyer akuzat.
Duke lavdëruar figurën e gruas, ka ironizuar rolin e burrit, i cili sipas tij, dehet e luan bixhoz
“Mbështetja e grave duhet shtuar. Bëhet puna më mirë. Parafytyroni sikur ju të ikni një muaj nga Korça, mbyllini telefonat dhe lërini ata këtu. E imagjinoni kur të ktheheni ça do gjeni? Njerëz me lesh deri këtu duke ardhur vërdallë nëpër Korçë. Po sikur të ikin ata e të rrini ju çfarë ndodh? Ua them unë, nuk ka më asnjë të dehur në asnjë orë të natës në Korçë. Nuk dëgjon për asnjë sherr në Korçë, asgjë more fare. Të gjitha të mirat ndodhin. Nuk humbet më asnjë qindarkë në bixhoz”-tha Rama.
Në takimet më herët Rama tha se mbi 50% e grave e mbështesin PS, ndërsa burrat mbështein opozitën, pasi sipas tij, janë çyrykë.
