Kryesore

Rama tregon pengesën e politikanit holandez për BE: Tha se funksionon Sheriati  



Bëhu pjesë e Grupit Zyrtar të Opinion.al
>> KËTU <<
               Publikuar në : 21:40 - 03/07/22 |
el ida

Kryeministri Edi Rama gjatë një bashkëbisedimi  në qendrën politike dhe kulturore “De Balie” në Amsterdam,  ka sjellë në vëmendje një situatë të disa viteve më parë, me një politikan holandez, i cili e kishte konsideruar Shqipërinë si një vend ku funksiononte ligji i Sheriatit.

“Kemi pasur dhe ca gjëra me Holandën. Se nuk ju pëlqeu raporti i Komisionit iu duk shumë i vetëkënaqur, tepër miqësor dhe iu desh të dërgonin një grup pune për të marrë informacion dhe ndejtën disa orë dhe ikën. Por Ballkani është i çuditshëm. Isha përballë njërit prej tyre dhe më pyeti si do e zgjidhni problemin me ligjin e Sheriatit. I thashë zotëri ne nuk jemi vend mysliman, se asnjëherë se kemi pasur ligjin e Sheriatit. Ne jemi vend europian dhe model i vëllazërisë fetare, që s’e kam thënë unë por Papa Françesku. Por ky zotëria vjen këtu dhe shkruan një artikull që problemi me Shqipërinë është ligji i Sheriatit. Tani është gjë idiot ky zotëria? Jo s’është, se s’dua të përmend emra. Është tepër inteligjent ai, është lloji i politikanit më inteligjent që unë vetë s’dua të jem, por ai e bën këtë për probleme të brendshme këtu, për të thënë nuk e di çfarë. Dua të them se Holanda ka moton e të qenit rigoroz, por të drejtë. Holanda ka ushtruar kaq shumë trysni mbi ne që mendoj se është e padrejtë, por na ndihmoi të përmirësoheshim dhe më në fund vendi ynë është përmirësuar shumë”, u shpreh Rama./Opinion.al

Pas