Kryeministri Rama është thirrur në interpelancë në Parlament por kësaj here do të japë llogari përpara deputetëve në cilësinë e ministrit të Punëve të Jashtme dhe Europës.
Opozita parlamentare ka kërkuar interpelancë në lidhje me rastin e Alvin Berishës, 11-vjeçarit që ndodhet në kampet e Sirisë. Në kërkesën e tyre, grupi i deputetëve kërkojnë shpjegime për veprimet ose mosveprimet e shtetit shqiptar në lidhje me këtë rast.
Kjo është hera e dytë që Rama thirret në interpelancë nga opozita e re. E para u kërkua nga deputeti Lefter Maliqi për zgjedhjet e 30 qershorit por nuk u realizua. Ndërsa kësaj radhe, kryeministri thirret për herë të parë në cilësinë e ministrit të Jashtëm, detyrë të cilën e mori pas refuzimit të Presidentit Meta për të dekretuar në këtë post Gent Cakajn. /Opinion.al
