Kreu i demokratëve, Sali Berisha ka folur për ngjarjet e fundit që po ndodhin në Bashkinë e Tiranës.
Ai ka deklaruar se punonjësit e bashkisë së Tiranës janë thirrur në zyrë nga Edi Rama dhe janë kërcënuar egërsisht nga ai.
Në një konferencë me gazetarët, ai i kërkoi Avokatit të Popullit të hetojnë takimet e djeshme të kryebashkiakut Erion Veliaj nga burgu për mohimin e emërimit Sara Goxhajt si kryetare e deleguar e bashkisë.
“Nuk kam në mënyrë absolute asnjë lloj sentimenti, dihet se cilat janë sentimentet e mia për Erion Veliajn. Por sentimentet e mia për Veliajn dhe për ligjin janë të ndryshme dhe do të jenë gjithmonë të ndryshme. Ndaj dhe unë i kërkoj me urgjencë Avokatit të Popullit të ndërmarrë një hetim të plotë mbi qëndrimet e Edi Ramës, Erion Veliajt, si personazhe kryesore në këtë puntatë të serialit Narcos.
Çfarë ndodh? Si mundet që një i burgosur të nxjerrë shkresa me firmë dhe vulë? Përveç të tjerash, ai zotimi i fundit, i djeshëm i tij është marrë pa praninë e avokatit. Avokati nuk është thirrur i pranishëm në takimin e bërë, nëse është bërë fare takimi me Erion Veliajn ku mohon emërimin e Sara Goxhajt, atëherë ata të hetojnë se është absolutisht e ndaluar të takohesh me një të burgusor zyrtarisht pa praninë e avokatit.
I çuan atij përpara një plumb në zarf, apo e droguan, apo çfarë i bënë, këto nuk i di unë asnjë. Por këto pikëpyetje po shtrohen mbarë kudo. Pra është i domosdoshëm një hetim nga Avokati i Popullit. I bëj thirrje zyrës së OSBE të mbikqyr këto zhvillime që pasurojnë më shumë serinë e narkosit. Edi Rama thërret në zyrë dhe kërconën egërsisht punonjësit të bashkisë. Në një kohë kur ata me Kushtetutë janë të pavarur prej tij. Nuk ka asnjë tagër për të thirr punojnësit e bashkisë për çështje të bashkisë, bashkia është e pavarur nga ekzekutivi.
I thërret dhe i kërcënon, ua mbyll dyert dhe i nxjerr jashtë. Këto janë zhvillime dramatike, kockash mafioze, por skenaret i prin don Edvini, padrinoja. Dhe gjithë këtë skenar përpiqet ta mbulojë me shkëmbimi me Lul Bashën dhe Unikkatilin. Jo këngë thotë këto, jo kënga thotë ato. Po a mund të mashtrohet një komb i tërë me gjëra të tilla? Mos u çudit për këtë që po them unë, se si shkonte nëpër redaksi dhe i merrte në telefon thotë mos ma harroni këtë idileri me Bravën sepse mendon se në këtë mënyrë po i mbulon këto akte, është gjakftohtësia ekstreme e një mafiozi, e padrinos, e një kryetari të organizatës kriminale siç është Edi Rama”, tha Berisha.
