Kryeministri Edi Rama ka mbajtur fjalën e tij në konferencën e përbashkët në Shkup me shefin e NATO-s, Jens Stoltenberg dhe liderët e rajonit.
Kreu i qeverisë, ndër të tjera foli për kërkesën për të proceduar sa më shpejt për bashkëfinancimin me NATO-n të bazës së re detare të NATO-s në Porto Romano, e cila sipas tij do t’i ofrojë NATO-s, akses të shpejtë në këtë anë të Evropës.
“Dëshiroj të theksoj kërkesën që aplikimi i Shqipërisë për të bashkëfinancuar me NATO-n bazën e re detare të NATO-s në Porto Romano të procedohet sa më shpejt se ne besojmë se çdo gjë që ndodh hap pas hapi, e përforcon vlerën strategjiketë një investimi të tillë jo vetëm për Shqipërinë as për krejt rajonin por dhe për vetë NATO-n që do të fitojë një akses të shpejtë në këtë anë të Evropës për çdo rast por dhe për qëllimet strategjike të mbrojtjes së përbashkët”-tha Rama./Opinion.al
