Ditën e sotme kryeministri Edi Rama ka zhvilluar një takim me kryeministren e Italisë Giorgia Meloni, presidenten e Komisionit Europian, Ursula von der Leyen, kryeministrin e Britanisë së Madhe Rishi Sunak, atë të Holandës Mark Rutte, si dhe me presidentin e Francës Emanuel Macron.
Liderët ndodhen në Granada të Spanjës, aty ku zhvillohet takimi i tretë i Komunitetit Politik Europian. Në këtë takim marrin pjesë 47 shtete, nga të cilat 27 janë vende anëtare të Bashkimit Europian.
Më herët gjatë ditës së sotme, duke folur për gazetarët para nisjes së samitit, kreu i qeverisë shqiptare kritikoi qëndrimin e butë të Bashkimit Europian ndaj Serbisë, në përgjigje të pyetjes nëse Beogradi meriton të përballet me sanksione pas kësaj ngjarjeje. Ai përsëriti edhe qëndrimin e tij që NATO të marrë nën kontroll kufirin me Serbinë para se të jetë tepër vonë.
Çështja e Kosovës është një prej pikave kryesore të diskutimit në samitin e Komunitetit Politik Europian. E pranishme në këtë takim është edhe Presidentja e Kosovës Vjosa Osmani dhe ai i Serbisë Aleksandër Vuçiç, por një takim mes tyre nuk pritet të ketë.
Ndërkohë, më 6 Tetor, do të zhvillohet një takim joformal i liderëve të Bashkimit Europian.
