Kryeministri Edi Rama ka zhvilluar një takim ditën e sotme me ambasadorin britanik, Alastair King-Smith.
Lajmin e ka bërë të ditur ambasada britanike në rrjete sociale, ku përmes një postimi ka zbardhur çështjet që janë diskutuar.
Ambasada bën të ditur se takimi u zhvillua në kuadër të theksimit të partneritetit të palëkundur mes Shqipërisë dhe Mbretërisë së Bashkuar, duke përfshirë dhe emigracionin e paligjshëm.
Më tej, thuhet se në takim u diskutua mbështetja e re e Mbretërisë së Bashkuar për Reformën në Drejtësi dhe përpjekjet kundër korrupsionit, duke përfshirë Policinë e Shtetit.
“Ambasadori britanik, Alastair King-Smith, u takua sot me Kryeministrin e Shqipërisë Edi Rama për të theksuar partneritetin e palëkundur mes Shqipërisë dhe Mbretërisë së Bashkuar, duke përfshirë emigracionin e paligjshëm, ku Shqipëria mbetet një prej partnerëve tanë më të rëndësishëm në rang ndërkombëtar.
Ata diskutuan mbështetjen e re të Mbretërisë së Bashkuar për Reformën e Drejtësisë dhe përpjekjet kundër korrupsionit, duke përfshirë Policinë e Shtetit Shqiptar.”/Opinion.al
