Kryeministri Rama mblodhi sot herët në mëngjes drejtuesit politik të PS në selinë qendrore të partisë ku iu dha porositë për fushatën e zgjedhjeve të 25 qershorit.
Në përfundim të takimit, kryeministri u shpreh për mediat se takimi u zhvillua për të intensifikuar punën mes pushtetit qendror dhe qytetarëve.
“Për të intensifikuar punën që të vazhdojmë të përmirësojmë marrëdhëniet mes institucioneve të pushtetit qendror me qytetarët”, tha Rama.
Ndërsa pyetjes a është i kënaqur me drejtuesit politik, Rama tha “Unë nuk jam asnjëherë i kënaqur as me vetëm time lëre më me drejtuesit politik”.
I pyetur për draftin e opozitës për ndryshimet në kodin zgjedhor, kryeministri u shpreh: “Është në tagrin e grupit që merret me reformën zgjedhore”./Opinion.al
