Aktualitet

Rama: Shqiptarët bëjnë 2-3 punë, amnistia fiskale duhet të ishte bërë më herët



Bëhu pjesë e Grupit Zyrtar të Opinion.al
>> KËTU <<
               Publikuar në : 10:56 - 18/12/22 |
Opi Nion

Kryeministri Edi Rama në mbledhjen vjetore të Këshillit Kordinues, në Ditën Kombëtare të Diasporës, ka theksuar sërish rëndësinë e amnistisë fiskale.

Ai ka thënë se amnistia fiskale është e rëndësishme për të formalizuar të ardhurat e shqiptarëve në diasporë pasi bëjnë nga 2-3 punë.

  “Nga ana tjetër është interesante të shihet dhe të mos harrohet që kontributi i të ikurve në emigracion nga Shqipëria në këto 3 dekada vijon të jetë konstant në ekonominë tonë dhe remitancat në periudhën e fundit kanë shënuar rritje me një periudhe të mëparshme, çka dëshmon fuqinë e lidhjeve mes njerëzve, familjeve dhe traditës që ende sot është e fortë në bërthamën e familjes shqiptare, pavarësisht ngarkesave dhe interesave të atyre që janë jashtë.

Vërtet është një shenjë shumë domethënëse për t’u studiuar në fakt se nuk është një karakteristikë e të gjitha diasporave kjo e mbështetjes së vazhdueshme që nuk dobësohet nga vitet dhe dekadat. Kjo kërkon atë adresim që ne e kemi bërë me dije se kemi të gjithë dëshirën dhe vullnetin për ta realizuar që është amnistia fiskale për të garantuar formalizimin e të gjitha të ardhurave të shqiptarëve në diasporë.

 E dimë shumë mirë, e dinë dhe autoritetet e vendeve ku shqiptarët prej dekadash japin kontribut që ekonomia informale nuk është territori i vendeve në zhvillim por ekziston dhe në vendet e zhvilluara. Sigurisht që shqiptarët hyjnë tek ato komunitete që e dimë shumë mirë. Shqiptarët kanë dëshmuar se janë punëtor të jashtëzakonshme. Kanë bërë 2 apo 3 punë. Ia kanë dalë në vende ku nuk janë.

 Kemi dëshmi të panumërta dhe raste që përforcojnë të gjithë arsyet për ta bërë këtë hap i cili ka qenë dashur të bëhet prej shumë kohësh, është tentuar nga qeveritë e mëparshme por ka ngecur si rezultat i presioneve dhe mungesës së dëshirës për të kuptuar pse-në e kësaj lëvizje të rëndësishme”, tha Rama.

Pas