Kryeministri Edi Rama ka publikuar një grafik, që tregon se vendi ynë renditet i dyti në rajonin e Europës dhe Azisë Qëndrore për shkallën e lartë të vaksinimit tek fëmijët.
Kreu i qeverisë në një postim ne “Facebook”, shkruan se edhe pse jemi mbrapa në shumë aspekte, në disa drejtime jemi ngjitur lart. Rama thekson se kjo është një arsye bindëse për të kërkuar ende më shumë nga vetja.
“Ka plot klasifikime ku duhet t’i ngjisim shkallët më shpejt se jemi ende mbrapa krahasuar me të tjerë, paçka se krahasimisht me nga gropa nga e kemi nisur ngjitjen kemi ecur më shpejt se plot të tjerë, po ka edhe klasifikime si ky i Europës&Azisë Qendrore, ku jemi ngjitur lart dhe kur mendon se sa mbrapa ishim me vaksinimin e fëmijëve, kjo është një arsye bindëse më shumë për të kërkuar ende më shumë nga vetja edhe në drejtimet ku duhet të ngjitemi më shpejt”-shkruan Rama.
