Pas ngjarjes së sotme me gazetarët, ku Edi Rama u është drejtuar atyre me tonë dhe shprehje fyese, ka reaguar përmes një postimi në FB edhe analistit Andi Bushati.
Pa lënë mënjanë ironinë, Bushati e ka konsideruar të tepruar revoltën e reporterëve me Ramën, sepse sipas tij të njëjtin reagim gazetarët mund të kishin patur edhe nëse i zgjasnin mikrofonin Habilajve, Frrokut dhe Ndokës. Atëhere pse duam të trajtohemi ndryshe nga shkoku i tyre i ngushtë – shkruan Bushati në FB.
Reagimi i plotë
Ka pak ekzagjerim në këtë revoltën e reporterëve me Ramën. Ne gazetarët mikrofonin mund t’ia zgjasim edhe Habilajve, edhe Frokut edhe Ndokës edhe Prengës edhe Ervis Roshit. Ata mund të na ofendojnë madje mund të guxojnë edhe më shumë. Ata atë tip kanë dhe ne e kemi marrë këtë parasysh që kur kemi zgjedhur këtë profesion. Atëhere pse duam të trajtohemi ndryshe nga shkoku i tyre i ngushtë???
