Një ditë pasi iu drejtua qytetarëve me një video-mesazh, ku u kërkoi që të merrin pjesë në nismën e re të qeverisë për Këshillim Kombëtar dhe të vendosin për fatin e vendit, kryeministri Edi Rama mëngjesin e sotëm ka publikuar pyetjen e parë të pyetësorit.
Pyetja ka të bëjë me nënat që rrisin tre ose më shumë fëmijë të mitur, nëse duhet apo jo të përfitojnë mbrojtje të veçantë sociale nga shteti.
“Nuk mund të hyni në pyetësor më shumë se njëherë, prandaj në rast hyrjeje mos dilni pa lënë opinionin tuaj”, thekson kryeministri për të gjithë personat që do e plotesojne online pyetesorin.
Rama ka publikuar edhe linkun e Këshillimit Kombëtar, ndërsa iu bën thirrje qytetarëve që të bëhen pjesë duke votuar.
