Pas takimit me krerët e koalicionit ku ishin të pranishëm dhe disa ministra e deputetë,Rama foli edhe për ligjin e miratuar mbrëmë me konsensus në Parlament për dekriminalizimin, duke theksuar se muaji janar do të jetë momenti i provës për opozitën dhe akuzat e saj. Ai tha se miratimi i ligjit ka hedhur bazat për një hap të mëtejshëm për transparencën e plotë në përzgjedhjen e kujtdo që përfaqëson shqiptarët apo duhet t’u shërbejë atyre në administratën shtetërore, raporton Dita.
“Pres me padurim që me të hyrë në fuqi të ligjit, të shoh se kush janë kriminelët dhe mos gabohem janë 19 të tillë të emëruar nga ana e SHQUP-t dhe nga ana tjetër të marrin fund shpifjet. Megjithatë, në janar kur të rimblidhet parlamenti do të jetë momenti i së vërtetës për të parë se çfarë ka qenë e vërtetë nga propaganda e baltës ndaj kundërshtarit.
Krejt tjetër është kriminalizimi që i është bërë jo vetëm politikës por edhe Shqipërisë që i është bërë nga ata që në janar duhet të japin provën për futjen qoftë në Parlament qoftë në administratë të kriminelëve”,tha gjithashtu Rama.
