Nga foltorja e parlamentit, Kryeministri Edi Rama ka reguar lidhur me aktakuzën e ngritur nga Prokuroria Speciale e Kosovës, mbi Presidentin Thaçi dhe ish-kryetarin e Kuvendit Kadri Veseli. Duke e cilësuar tekstin si një prelud të pakuptueshëm nga pikëpamja juridike, Rama tha se liderët e UÇK-së ka 21 vite që akuzohen, por ata tashmë janë vendosur në anën e drejtë të historisë.
“Udhëheqësit e UÇK-së kanë qenë thuajse të tërë të akuzuar për 21 vjet si individë me 2 koka, që nga anë një anë kanë mbrojtur luftën çlirimtare dhe nga ana tjetër kanë ngrënë njerëz, kanë ngrënë fëmijë, kanë ngrënë romë si kanibalë. Përballë historisë, as Thaçi, as Veseli, as Haradinaj dhe asnjë prej krerëve të akuzuar në 21 vjet si dhe vetë UÇK në tërësi nuk kanë nevojë për asnjë mbrojtje publike, sepse përtej kësaj tërkuze të një gjykate eksperimentale ndërkombëtare, ata janë vendosur në anën e drejtë të historisë dhe e kanë bërë historinë vetë. Duke i dhënë asaj pandryshueshmërinë në jetë të jetëve si histori e përjetshme e asaj pjesë të pandarë tonës që quhet Kosovë. Është falë tyre që u trondit ndërgjegja tërësisht e fjetur e perëndimit demokratik, e botës së qytetaëruar në raport më Kosovën. Është pikërisht falë tyre dhe falë një ndërmarrjeje çmendurake të atij grupi djemsh dhe vajzash që i hynë detit në këmbë duke patur gjithë botën kundër. Duke mos patur jo derë, por asnjë vesh të hapur asgjëkundi në kërkimin e asaj që duket se ka qenë aty gjithmonë: Kosova e pavarur, shtet sovran. Është falë tyre që u imponua reagimi me bomba i aleancës më të madhe të planetit”, tha Rama./Opinoion.al
