Politikë

Rama për tenderat: Do të çlirojmë administratën nga pesha e këtij procesi



Bëhu pjesë e Grupit Zyrtar të Opinion.al
>> KËTU <<
               Publikuar në : 18:00 - 13/06/22 |
Opi Nion

Kryeministri Edi Rama ka folur në konferencë kombëtare anti-korrupsion duke thënë se korrupsioni është një sfidë e vazhdueshme për çdo shtet.

Rama tha se pas vitit 2013 ka ndryshuar marrëdhënia e shtetit me qytetarët. Sipas Ramës, deri para pak vitesh ata zgjidheshin në bazë të parave, lidhjeve politike apo lidhjeve farefisnore.

Kryeministri Rama foli edhe për tenderat. Ai u shpreh se po qeveria po përgatit një fazë tjetër për të çliruar administrata nga pesha e kontraktimit të fondeve publike përmes tenderave.

“Sa vite u bënë që nuk ka një ankesë të vetme, që kur me reformën që bëri Lindita Nikolla si ministre Arsimi në atë kohë u kalua në platformën tërësisht digjitale të pranimeve në universitet. Një platformë tërësisht transparente ku askush nuk ka mundësi që të kapërcejë mbi supet e të tjerëve dhe të marrë atë që nuk i takon. Ka ende pjesë të sistemit që vijojnë të funksionojnë si më parë. Është një problem që duhet të përpiqemi që ta zgjidhim. Dua të theksoj pjesën që ka të bëjë me tenderat. Është një transformim i paimagjinueshëm nëse nisemi nga ku ka filluar kjo punë. Në raportin që kemi përgatitur i cili është raport faktik që nuk ka subjektivitet flitet qartë si kemi lëvizur në drejtimin e duhur në këtë aspekt. Por edhe këtu kemi prapë probleme. Po përgatisim një fazë tjetër për të çliruar administratën nga pesha e madhe e këtij procesi. E procesit të kontraktimit të fondeve publike përmes tenderave, për të përfshirë ekspertizën e jashtme dhe pse jo edhe kompani ndërkombëtare, në mënyrë që administrata të bëjë administratën, ministritë të bëjnë ministritë dhe procesin e tenderimit ta bëjnë struktura që kanë një pavarësi shumë më të madhe dhe profesionalizëm shumë më të madhe. Një nga problemet tona nuk është thjesht korrupsioni, apo përzierja me qëllimin e devijimit të ligjit, por është edhe paaftësia. Në këtë aspekt, kemi vërtetë shumë punë për të bërë”, tha Rama./ Opinion.al

Pas