Kryesore

Rama: Pa Gramozin PS do ishte lëshuar si shallvaret e mia


Bëhu pjesë e Grupit Zyrtar të Opinion.al
>> KËTU <<
               Publikuar në : 19:02 - 12/06/21 |
Opi Nion

Pasi kreu i Kuvendit Ruçi deklaroi dorëheqjen nga çdo angazhim politik, Kryetari i PS Rama u ndal në fjalën e tij në kontributet që Ruçi kishte dhënë përgjatë 30 viteve në këtë forcë politike.

Pa mohuar faktin që Ruçi ishte njeriu me të cilin Rama konsultonte gjithçka dhe para të gjithëve, kreu i socialistëve nuk i kurseu as batutat kur tha se pa Ruçin PS do ishte lëshuar me kohë e vakt si shallvaret e tij.

“Nuk kam patur vendim të rëndësishëm apo të vështirë që s’e kam ndarë me ty përpara se me  këdo tjetër. Të jam mirënjohës për çdo gabim që nuk më ke lënë të bëj dhe për çdo hov të parakohshëm që ma ke ndaluar apo moderuar, duke më ndihmuar në ushtrimin tepër të vështirë për mua, në kalitjen e durimit”, tha Rama.

“Askush s’e ka ditur dhe jo më t’ja qajë hallin që e ka gjetur të shkretin Gramoz 30 vjet me 2 kryetarë allasoj. Por askush s’e ka parë ç’ka hequr Gramozi i shkretë për të vënë në vijë 30 vjet me radhë, organizata, kongrese, kryesira, asamblera e plot gjëra të kësaj familje politike, ku halli- hallit dhe mendja- mendjes nuk i ngjan. Nëse Nano s’do kishte Gramozin që mbante rreshtat dhe  nëse s’do ishte Gramozi që më mbante mua PS do ishte lëshuar me kohë e me vakt si shallvaret e mia”./Opinion.al

Pas