Aktualitet

Rama nxjerr pamje nga takimi me banorët e 5 majit, qytetarja:S’duam më gënjeshtra



Bëhu pjesë e Grupit Zyrtar të Opinion.al
>> KËTU <<
               Publikuar në : 15:20 - 10/02/22 |
Opi Nion

Kryeministri Edi Rama ka publikuar pamje nga takimi i zhvilluar me disa nga banorët protestues të lagjeve që do t’u prishen banesat në zonën e 5 majit.

Rama në fjalën e tij është shprehur se në këtë zonë të Tiranës do bëhet një lagje e re, ku njerëzit të jetojnë si njerëz dhe ku do strehohen të gjithë ata që janë goditur nga tërmeti, si dhe të gjithë banorët e zonës.

Ndërkaq një nga qytetarët që ishte në takim është shprehur se e ka shtëpinë pa letra dhe si pasojë familja e saj do ngelet në rrugë. Kryeministri Rama iu përgjigj banores se “edhe ty që je pa leje, në qoftë se je pa leje do të strehojmë”.

Rama: Unë kam qenë i pari që kur kam qenë kryetar Bashkie që kam kërkuar që kjo çështje të zgjidhet me legalizim, edhe u bë procesi i legalizimit. Gjithashtu, ju është thënë që të legalizohet çdo gjë që nuk pengon zhvillimin, se nuk mund të legalizojmë edhe aty ku do hapet kanali, edhe aty ku do bëhet rruga.
Nënë Liza: Nuk është për rrugë.
Rama: Do më dëgjosh mua tani, se të dëgjova. E di atë fjalën ‘të rrimë shtrembër, e të flasim drejtë’. Tani, shtëpia juaj dhe e atyre tjerëve, që janë pa legalizuar, nuk legalizohen, por ne nuk kemi thënë në asnjë moment që ju do të dilni jashtë. Ju keni bërë aty një investim dhe ne në rrugë nuk ju lëmë. Dakord. Ne aty do bëjmë një lagje të re, që njerëzit të jetojnë si njerëz, jo të jetojnë si kafshë në mes të plehrave, sepse për ne gjëja më e rëndësishme janë fëmijët dhe ata nuk mund të rriten në ato lagje me plehra, por duhen të kenë shkollë, park, etj. Ne nuk po ju prishim juve banesat që të bëjmë zhvilim privat, por ne aty do të ndërtojmë një lagje, ku do strehojmë të gjithë ata që janë goditur nga tërmeti, si dhe të gjithë ju.
Banorja: Mua jo, se jam pa leje.
Rama: Edhe ty që je pa leje, n.q.s je pa leje.
Banorja: Do ma japësh fjalën ti?
Rama: Zonjë, do më dëgjosh mua, apo jo, se ti s’po më dëgjon, po më ndërpret. Më lërë të mbaroj.

Banorja: Mendova se do mbaroni, e do ikni, se kështu na e kanë bërë edhe herë të tjera.
Rama: Kështu ua kam bërë unë?
Banorja: Jo.
Rama: Ju për mua jeni njësoj të gjithë. A ka mundësi të më dëgjosh deri në fund.
Nënë Liza: E kam bërë atë shtëpi me legalizime e me të gjitha.
Rama: A ka mundësi të më dëgjosh mua. Mund të kesh kundërshti sa të duash, por duhet të dish çfarë do të bëjmë ne.
Nënë Liza: Jo, jo, e di që ç’kemi çfarë të bëjmë.
Banorja: S’duam më gënjeshtra.
Rama: A ka mundësi të më dëgjosh, se po të kërkoj fjalën 17 herë, se nuk të lini as me folë. Ne do bëjmë atje një lagje të re, që do jetë një nga lagjet më të bukura të Tiranës. Ua Zot i madh, do të të nxjerr jashtë./Opinion.al

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ervin Salinaji: Padiskutim që nëse do të kishim mundësi për ta ndërprerë votimin dhe për ta rikthyer gjithë procesin e Reformës në Drejtësi edhe mund të isha një prej atyre që do të votoja. Nëse ka dikush që duhet të jetë përgjegjës në këtë sallë parlamenti për dështimet e Reformës në Drejtësi, për dhënien George Sorosit, e të dreqit e të birit, padiskutim jo ne që nuk kemi qenë ne, por përgjegjës të drejtpërdrejtë për çdo centimetër që kontrollon Edi Rama të Reformës në Drejtësi duhen gjetur tek ajo pjesë që e ka votuar me 140 vota dhe që ka zgjedhur madje, gjysmat e komisionerëve të Vettingut, gjysmat e komisionerëve të këtyre komisionerëve që janë sot dhe një pjesë e deputetëve janë aty duke thënë sot që kjo i shërben Edi Ramës. Edi Ramës i shërben që të thuash që të mos ketë ONM sot asnjë akses, të mos kenë SHBA asnjë akses, të mos ketë BE asnjë akses, të mos kemi asnjë marrëdhënie me asnjë tjetër dhe ta luftojmë Edi Ramën me çfarë? Me mullinjtë e erës? Pse sot kërkohet kur jemi në një situatë ku nuk ka marrëdhënie një pjesë për faj të dikujt apo dikujt tjetër me SHBA të zhysim gjithë PD-në? Cila është kjo arsye madhore dhe cili është interesi i PD-së kur asnjë gjë në këtë vend dhe asnjë gjë në këtë anë të parlamentit nuk është bërë pa mbështetjen e SHBA. Duhet t’i themi gjërat siç janë. Po ka probleme sot drejtësia. Nëse ka përgjegjës për kapjen e drejtësisë nga Rama për aq sa e ka kapur padiskutim që është nga parafolësi.

 

Sali Berisha: Kam një përgjigje sepse u ngrit pas meje. Ai lëshoi edhe një akuzë. Dua ta sqaroj këtë zotërinë. Jo nuk është votuar projekti. Po kemi qenë për Vettingun dhe jemi për Vettingun, por jo për armë gjahu. Që ta dish ti, ose e di, por të intereson gjysma e pengut dhe gjysma e bravës. Të them unë ty. Ka qenë marrëveshje që ligjet organike, 7 ligjet do të votoheshin me konsensus. Po flas për PD në atë periudhë. PD sot është opozita e vërtetë shqiptare dhe jo ju që votoni. Ja ku është deklarata e tij dhe sot bëni sikur nuk jeni me ata. Ligjet u votuan pa PD, u votuan në shkelje të marrëveshjes që kishim për t’i votuar bashkarisht. Por tani pasi ua fusin ata në mengele, jo zotëri kam kundërshtuar çdo etapë.

 

 

 

 

Pas