Kryeministri Edi Rama e ka humbur durimin në fund të një konference të gjatë me mediat (2 orë), si përmbledhje e fundvitit. Ai u pyet nga gazetari i ABC Neës, Indrit Maraku për shtëpinë e tij, për të cilën Rama foli mbrëmë për herë të parë në ‘Opinion’.
Gazetari nisi ti thoshte se mbrëmë tek Fevziu, dhatë disa detaje interesante për shtëpinë tuaj, kur Rama shpërtheu ndaj tij: “Çfarë do të pyesësh ti për shtëpinë time? Është pyetje negative dhe e qëllimshme. Nuk u përgjigjem këtyre idiotësive. Shtëpia ime është më modeste se e atyre që bëjnë si opinionistë”, foli ashpër Rama.
Gazetari u përpoq ti sqronte se ABC News ka transmetuar pamjet e shtëpisë nga larg, por mund të shkonte në shtëpi nëse do i lejonte. Rama nervozohet edhe më shumë, dhe i kthehet: “Shtëpinë e kam për familjarët e për miqtë jo për ABC Neës. Jeni dashakeqas!”
Më tej gazetari e kapërceu këtë temë dhe kaloi tek Koço dhe Blushi, duke e pyetur Ramën nëse ishte i mërzitur se i kishte humbur miqtë?
Rama përgjigjet: “Së pari mund tju them nuk i kam bërë miq si anëtarë partie, por si individë dhe miqësitë e mia nuk më ndikojnë në moskryerjen e detyrës sime siç duhet ta bëj. Miq ose jo miq unë nuk bëj dallime kur cënohet PS-ja. Përsa i përket keqardhjes, kur hyn në këtë punë ka edhe plot keqardhje për shumë gjëra. Është pjesë e punës…”
Pyetja e radhës ishte për lojërat e fatit: Qeveria e shtyu ligjin edhe për një vit tjetër, kur ju kishit deklaruar se bixhozi është kancer për shoqërinë. Çfarë ka ndodhur, keni ndryshuar mendim? Opozita ju akuzon si kotrollor të bixhozit?
Rama: Nëse do ishte unë njeriu që kontrolloj lohërat e fatit, po ju ku jeni. Pse nuk investigoni ju gazetarët? Apo do merreni me deformimin e shtëpisë sime. Ku ështe verteta në këtë mes se ju përcillni vetëm akuzat e opozitës?
Ma keni bërë shtëpinë si të ishte shtëpia e dragolës. Unë e neveris këtë mënyrë të të bërit gazetari si ping pong. Ju duhet të jeni ndërmjetës të opinionit publik. Duhet të keni fakte jo të punoni si opinionistë militantë.
Nuk jam unë kontrollori i lojërave të fatit. E verteta është se nuk ia kam dalë ti imponoj mazhorancës idenë time. Kemi arritur ta disiplinojmë, por jo ta ndalojmë. Pra s’jam shumicë e mjaftueshmë për ta bërë këtë ndryshim. Jo të gjithë gjerat bëhen siç dua unë…
Pyetja e Ramës nga News24 ishte për mosarrestimin e Balilit nga ana e policisë.
Për këtë Rama përgjigjet jo pak i nervozuar: Po pse nuk u kap Eskobari se nuk donte DEA, CIA, Presidenti i SHBA? Xhironte në SHBA para kokaine sa General Motor. Ai e bëri policinë e Floridës, lolo. Janë ndërtuar autostrada për ta kapur. Dhe sot e gjithë ditën ka njerëz të kërkuar që nuk janë kapur….
Policia e Shtetit është 100 për qind e angazhuar për ta kapur. S’ka dyshim për këtë. Nuk është njësoj si të vish ti e të kapësh mua tek PS si të kapet ai…
Gazetarja: Z.Rama krahasimi nuk vlen, s’ka nevojë për autostrada për ta kapur Shqipëria është e vogël
Rama: Krahasimet mund tia lejoj Blendi Fevizut tek Opinioni, jo Ju.
Në fund Rama i përshëndet gazetarët, duke iu thënë: Iu uroj çdo të mirë dhe tani po vazhdoj bashkëbisedimin me qytetarët online, që janë gazetarë jo profesionist por të paktën pyetjet i bëjnë vetë, nuk ua japin nga redaksia.
Lajmi ne perditesim…
