Teksa vendi është në krizë politike dhe në prag të zgjedhjeve, Kryeministri Edi Rama hap edhe njëherë tezat nacionaliste dhe flet për Bashkimin e Kosovës me Shqipërinë. Sipas tij, nëse Bashkimi Europian i kthen shpinën Gadishullit të Ballkanit Perëndimor mund të ndodhë edhe bashkimi mes shqiptarëve.
Në një intervistë me “POLITICO”, gjatë së cilës u trajtua po ashtu edhe kriza në Maqedoninë fqinje dhe zgjedhjet e ardhshme në Shqipëri, Rama tha se Europa do të përballej me një “makth” nëse Ballkani “çmendet” si pasojë e daljes nga agjenda e zgjerimit të Bashkimit Evropian.
Rama po ashtu paralajmëroi se Ballkani po kthehet në një zonë gri, në të cilën aktorët e tjerë kanë më shumë influencë se Bashkimi Evropian.
POLITICO thotë se disa nacionalistë shqiparët do të dëshironin ta shikonin Shqipërinë tek bashkohet me Kosovën, shtet që shpalli pavarësinë nga Serbia në vitin 2008.
Partia më e madhe opozitare e Kosovës kërkon mbajtjen e një referendumi në formimin e një unioni me Shiqpërinë, megjithëse kjo gjë përjashtohet nga kushtetuta e Kosovës.
Pyetjes, nëse do të pëlqente ta hiqte nga tryeza opzionin e bashkimit me Kosovën, Rama iu përgjigj: “Jo, sepse e vetmja mënyrë për ta mbajtur Ballkanin në këtë ‘modalitet’ paqësor dhe bashkëpunues…është ta mbash rrugën drejt BE-së të hapur, ta mbash perspektivën të qartë dhe emocionet për BE-në pozitive. Askush nuk do të dëshironte të kthehej tek vetja dhe të shikonte për bashkime më të vogla, çdokush do të dëshironte të bashkohej me unionin e madh. Por, nëse nuk ka shpresë, nuk ka perspektivë, s’ka hapësirë, atëherë sigurisht, bashkimet e vogla mund të ndodhin.”
Shumë frikësohen se bashkimi i Shqipërisë me Kosovën mund të shkaktojë rrëmujë të re në Ballkan, rajon i cli rrëshqiti në luftë në vitet 1990 gjatë shpërbërjes së ish-jugosllavisë.
Linku ne origjinal:
http://www.politico.eu/article/albania-prime-minister-edi-rama-eu-faces-nightmare-if-balkans-denied/
