Kryeministri Edi Rama ndodhet në Sarandë, ku po zhvillon një takim elektoral me qytetarët në kuadër të fushatës për zgjedhjet lokale.
Por, teksa Rama mbante fjalën e tij para qytetarëve, mbështetësit e opozitës protestonin kundër tij vetëm pak metra larg.
Kryeministri tha se pas tij janë mbledhur një grusht njerëzisht që ulërasin, por nuk ballafaqojnë idetë me Partinë Socialiste.
“Ne jemi mbledhur këtu për të bashkëbiseduar, për t’u parë dhe për t’i dhënë dorën njëri tjetrit. Pas kurrizit tim janë mbledhur një grusht njerëzish që ulërasin, jo për të ballafaquar me ne idetë, por për të bërë zhurmë. Janë mbledhur për të prishur këtë takim. Këtu ka shumë njerëz të rinj por ka edhe të tjerë që e kujtojnë regjimin komunist. Ajo parti lindi nga shpresa për Shqipërinë si e gjithë Europa ndërsa sot po e ndan Shqipërinë nga Europa. Tani unë nuk dua të flas shumë për Sarandën dhe Delvinën sepse thashë se kemi bërë jo pak gjëra dhe shumë të tjera mbeten për të bërë. Ju kam thënë na jepni votën në këto 4 vite të bëjmë më shumë se në vitet e tjera të marra së bashku”, tha Rama./ Opinion.al E.Xh.
