Kryetari i Partisë së Lirisë, Ilir Meta gjatë konferencës për mediat ditën e sotme është pyetur nga gazetarët për deklaratën e tij të pak ditëve më parë se ka përgjime për kryeministrin Edi Rama.
Meta u përgjigj se për Ramën ka vetëm dosje dhe se të gjitha janë të vërteta dhe të pafalsifikuara.
Pyetje: Pak ditë më parë thatë se për Ramën është një dosje e plotë në përgjim, i referoheni përgjimeve për dosjen e bujshme 184 apo ka pergjime të tjera që publiku ende nuk i di?
Meta: Mendoj se për të ka vetëm dosje dhe janë të gjitha të vërteta, të pamontuara, të pafalsifikuara dhe do të kemi ditë të reja, por do t’ju lutesha të ktheheshit te rasti flagrant se çfarë ndodh në këtë shtet. Si mund të ndodhë një gjë e tillë në një vend europian, anëtar të NATO-s. Ajo kryeministrja e Finlandës pse doli në një parti me shoqet e saj u detyrua të kërkojë falje, të bëjë testin e drogës. Këtu vetëm me këto pamje duhet të ishin dhënë dy dorëheqje dhe të kishte nisur procedimi penal/Opinion.al
