Kryeministri, Edi Rama, këtë të enjte ka zhvilluar një inspektim në një zonë tjetër të Spitallës në Durrës.
Pasi ka parë nga afër punimet në një lagje të kësaj zone, Rama u ftua nga banorët në një lokal për kafe, ku si zakonisht nuk i ka lënë mënjanë batutat dhe ironitë.
Rama ftoi dhe demokratët që të marrin pjesë në takim ndërsa tha se atatashmë ndodhen në një situatë të vështirë.
Rama: Thuaj edhe atyre demokratëve që të vijë se ata duken dy orë larg që janë demokratë. Hajde mo. Ore hajde këtu mos u fshi. Ça kanë këta që fshihen? Ore hajde ulu, merri dhe ata demokratët e tjerë. U bëra 20 vite këtu unë, i njoh nga larg demokratët. Hajde mo këtu, hajde. Demokratët janë në fazë të vështirë dhe duhet t’i jepen kafe. Pastaj flasim.
Banori: Rama ik jua kemi thënë disa herë, por jo sot se po bën ca punë. Na ke përçarë partinë, por me ty jemi prapë. Ne jemi bërë copë-copë.
Rama: Ne do jua bëjmë gati këto gjëra, që të vijnë ata dhe ta prishin.
