Këtë vit shënohet 50-vjetori i standartizimit të gjuhës shqipe. Teksa ka marrë fjalën e tij në konferencën për 50-vjetorin e Kongresit të Drejtshkrimit, kryeministri Edi Rama ka komentuar dhe flamurin e NATO-s që ndodhet mes flamujve të Shqipërisë, Maqedonisë së Veriut dhe Kosovës.
Rama tha se nuk e kupton arsyen se përse flamuri i NATO-s ndodhet aty, duke shtuar se këtë gjë ia kishte shprehur dhe organizatorëve.
“Tre flamujt të qendrojnë bashkë si flamuj që mishërojnë ndër të tjera dhe në të njejtën kohë, një pakt të vështirë siç është gjuha.
E dimë shumë mirë por rreziku gjithnjë e më i madh është ta marrim si diçka që ka qenë gjithmonë aty. Sa e pamundur është dukur jo shumë shekuj më parë, por deri disa vite më parë që shqipja të pranohej flitej e shkruhet lirisht si e drejtë themelore e shqiptarëve edhe në Kosovë e në Maqedoninë e Veriut.
Nga ana tjetër, i vetmi flamur që nuk kuptova pse është, është ai i NATO-s. Ua thashë edhe organizatorëve se deri tek flamuri i BE e kuptoj, po flamuri i NATO-s çfarë do atje. Akademia ka shpëtuar edhe nga ankthi i madh i luftimit të komunizmit”, tha ai.
Ndër të tjera, kryeministri Edi Rama tha se historia na mëson se drejtshkrimi e gjuha e njehsuar, janë proces konsolidimi i qenies së një kombi.
“3 dhjetëvjetorë pas rënies së komunizmit, edhe drejtshkrimi na duket njësoj, na duket sikur ka qenë gjithmonë aty. Sikur e kemi një mundësi që mund edhe ta shpërdorojmë, ta vëmë në pikëpyetje, ndërkohë që dua ta falenderoj akademinë për këtë konferencë e cila vlen për të kujtuar të kundërtën, se konsensusi gati unanim qe u gjet për drejtshkrimin 50 vite më parë është mahnitës, po të kesh parasysh se në ç’konflikte të përgjakshme e procese rraskapitëse kanë ecur gjuhë të tjera për tu njehsuar e për tu bërë palca e skeletit të paqes sociale. Historia na mëson se drejtshkrimi e gjuha e shkruaj janë proces konsolidimi i frymës i gërmës së një kombi i qenies së një kombi”, tha Rama./Opinion.al
