Ditën e sotme kryeministri Edi Rama ka sqaruar se për strategjinë e hapjes së masave graduale është konsultuar edhe me ekspertë gjerman. Rama tha se kjo u arritë falë bashkëpunimit me kancelaren Angela Merkel.
“Kemi pasur një bashkëbisedim të dobishëm, falë Merkel që na vuri në dispozicion grupin e ekspertëve gjerman me Institutin e Shëndetit Publik Gjerman. Po ju them mos përdorni kot më kot shembuj, Gjermania, Suedi, dhe po ju garantojë se kemi konfirmuar drejtësinë dhe strategjisë sonë”, tha Rama.
Po ashtu, Rama ka konfirmuar rastin e parë në Gjirokastër, të një emigranti të vetëkarantinuar në hotel. Ai tha se nëse nuk do të ishte marrë vendimi për vetëkarantinim të detyruar në hotel, bilanci i të infektuarve do ishte më i lartë.
“Do të kishim një vatër të re infeksioni. Ku ka kryeministër në botë që do të dojë t’i shtojë vetes së vetë halle kaq të mëdha sa halli i kësaj situate dhe halli i të qeni në shënjestër për sharje dhe mallkime. Dakord. më thoni ça të doni, i gëlltisë të gjitha”, tha Rama./ Opinion.al
